الرئيسيةالبوابةاليوميةس .و .جالأعضاءالمجموعاتبحـثالتسجيلدخول

شاطر | 
 

 قصيدة لبديوي الوقدانــــــــــــــــــــي العتيبــــــــــــ

اذهب الى الأسفل 
كاتب الموضوعرسالة
زائر
زائر
avatar


مُساهمةموضوع: قصيدة لبديوي الوقدانــــــــــــــــــــي العتيبــــــــــــ   الخميس يناير 10, 2008 6:18 am

اخواني اعضاء منتدى الشعراء

السلام عليكم ورحة الله وبركاته

أحب ان اهدي لكم قصيدة رائعة للشاعر ( بديوي الوقداني العتيبي ) يرحمة الله.

وهي تحمل معاني رائعة.



أيامنا والليالي كم نعاتبها

شبنا وشابت وعفنا بعض الاحوالي

تاعد مواعيد والجاهل مايكذبها

واللي عرف حدها من همها سالي

إن اقبلت يوم ماتصفى مشاربها

تقفي وتقبل ومادامت على حالي

في كل يوم تورينا عجايبها

واليوم الاول تراه أحسن من التالي

أيام في غلبها وايام نغلبها

وأيام فيها سوا الدهر ميالي

جربت الأيام مثل من يجربها

تجريب عاقل وذاق المر والحالي

نضحك مع الناس والدنيا نلاعبها

نمشي مع الفي طوع حيثمامالي

كم من علوم وكم آداب نكسبها

والشعر مازون مثقال بمثقالي٠

اعرف احروف الهجا بالرمز واكتبها

عاقل ومجنون حاوي كل الاشكالي

لاشك حظي ردي والروح متعبها

مافادني حسن تأديبي مع أمثالي

إن جيت أبي حاجة عزت مطالبها

العفو ماأحد من المخلوق ياوالي

قوم إلى جيتهم رفت شواربها

بالضحك واقلوبها فيها الردا جالي

وقوم إلى جيتها صكت حواجبها

وابدت لي البغض في مقفاي واقبالي

ماكني إلاامسوي حال مغضبها

والكل في عشرته ماكر ودجالي

ياحيف تخفي أموركنت حاسبها

واللي على بالهم كله على بالي

الجار جافي وكم قوم نحاربها

والأهل واصحابنا والدون ولعالي

ولروح وش عذرهافي ترك واجبها

راح الحسب والنسب في جمع الأموالي

نفسي تبي العز والحاجات تغضبها

ترمي بها بين أجاويد وانذالي

المال يحيي رجال لاحياةلها

كالسيل يحيي الهشيم الدمدم البالي

عفت المنازل وروحي يوم اجنبها

منها غنيمة وعنها البعد اولالي

يمشي مع الناس في هم وادلالي

داربها الخوف دايم مايغايبها

والجوع فيها معه من بعض الاحوالي
٠
جوعآ سراحينها شبعآ ثعالبها

الكلب والهر يفدم كل ريبالي

عز الفتى راس ماله من مكاسبها

يامرتضي الهون لاعز ولامالي

دللت بالروح لين ارخصت واجبها

وانا عزيزا" عريب الجد والخالي

قوم تدوس الأفاعي مع عقاربها

لها عزايم تهد الشامخ العالي

كب المنازل وقل للبين يندبها

تبكي عليها بدمع العين هطالي

لاتعمر الدار والقاله تخربها

بيع الردي بالخسارة واشتر الغالي
الرجوع الى أعلى الصفحة اذهب الى الأسفل
 
قصيدة لبديوي الوقدانــــــــــــــــــــي العتيبــــــــــــ
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الــحـــب :: حــزن القصـيد-
انتقل الى: